|
SubscriptionsSites I Read
|
|
|
|
| 台灣之旅 E 完結篇 12-6-2008 (mode你個頭,冇mode la) 終於要完結了的台灣之旅, 先交代最後一日的行程, 早上9份不錯的啦, 因為終於見到很多的人了, 之前除左西門附近外, 冇乜邊度 係多人流過我屋企樓下law..... 食同買都不錯, 但係貴過淡水, 因為人流多吧.... 
 很大粒的乒乓球@@... 魯肉飯很好食, 但我怕會肥ar ......
然後就回西門行,再食今次plan 左必食ge 謝謝魷魚焿(羹), 鎮店之寶魷魚焿當然冇令我失望,近似香港碗仔翅,但味道絕對比不上,魷魚彈牙爽口,羹中柴魚令羹多了一股鮮味,羹濃之餘又不會有jelly 狀,更甚的是魷魚焿可配飯,米粉等,絕對可以飽肚,回港短時間內我諗我唔會再食羹類了 :P  (冇食過唔好話自己去過台北)
甜不辣, 最欣賞佢個汁, 就咁食就好似日本關東煮,但一加個汁, 佢就係甜不辣..甜甜的又不辣,佢就係甜不辣  (甜不辣,真係不辣,如果你唔用辣醬)
食完就拉車食唔落,再行多陣就搭車搭飛機了. 感想: 台灣人人品基本上係呢5日深深咁印左係心中.. 先不說酒店的人幫了我們不少, 連路人問路都會很有禮貌, 就算唔識都會搵店舖入面d人幫手,換成香港人就揮揮手就飛奔左去la. 買野時店員會細心幫你搵,搵唔到會教你去邊,仲話唔好意思tim... 仲有一個感覺就係同胞太多經常地聽到廣東話... 好似冇去到旅行咁, 呢種情況台北比較嚴重, 去到9份仲見到旅行團... 如果想有旅行ge感覺, 請選淡季或南部...一方面可以見少些同胞,仲可以幫助該區旅遊業... 係台南一看到條街冇咩人行, 交通不便之餘, 店舖開左門冇人..真係有d心酸... 其實台南並不比台北差, 景點基本上可以打成平手, 台北只是出名點, 現代化了些, 但再現代化又比不上香港, 所以有人去過台北就話不外如是,話香港好d咁, 所以香港人要去就去d 效區景點吧... 台北有陽明山,台南有墾丁 現代化都市只適合買手信, 食野咁, 觀光不宜.. | | |
| 今日可算係行程之中最失敗ge ... 首先好對唔住,係我話要玩risk ge, 唔係大家唔使少咁多時間, 再有下次就唔拎佢去啦. 教訓1, 旅行時間,一分一秒好重要; 把握時間, 休息時間不可少 由於呢個失誤就攪到成11點先出發, 去到北投就已經12:30 la.再到陽明山就已經 點幾兩點, 之後搵到的士 300 去3個景點.... 但如果我地可以再早d 到, 就可能可以再玩多d la... 景點方面 陽明山 可算係最好架啦, 空氣清新之餘又大風, 太陽猛猛咁都唔覺熱..... 之後去淡水其實係繞左路, 因為岩岩有車去劍潭... 咁就先去 劍潭 再 淡水,但劍潭比北投離淡水遠, 都係因為之前浪費左時問, 見到咁ge 時間都冇辦法, 所以都係我錯了, sorry 教訓2, 行程planning 不可少, 交通路線要知曉 到左淡水一出車站就唔見左真君兄夫婦, 追都追唔到, 攪到好似各有各去咁, 要避免就要事前買張電話卡, 但我地就大安旨意, 今次好在地方近捷運, 如果係唔邊度唔見左, 我地就對佢地唔住.... 教訓3, 通訊方法必要有, 失路不會有煩惱 番到酒店,等到12點幾佢地都未番, 果時冇哂車, 好擔心佢地兩個, 怕佢地唔識番黎, 怕佢地唔夠錢番唔到黎, 怕佢有意外, 怕..... 可能當時人會不以為然, 情況就好似平時遲番屋企/唔番屋企 又冇話畀屋企人知, 番到佢會畀人話一樣.. 教訓4, 留言口訴報平安, 家人朋友不心慌 總結:    
| | |
| 給未去或將要去台灣的人們: i) 早上起身可以用酒店morning call, 但最有效的, 是用人錄的鈴聲,再以數部電話交替播出: "嘩!哈哈哈.....嘩!!!!哈哈哈哈..... 四條煙呀!@!!!我四條煙呀!!!哈哈哈......你輸左啦!!!! 你今日贏ge 機會--- 係零呀!!!!!!!!" ii)酒店的早餐不用期望, 因為台灣的美食盡在街頭, 不得已是飲就請用蘋果汁和橙汁,食就煎蛋和煙肉 iii)要從南面高雄去北面的台北, 高鐵是不錯的選擇, 而在高鐵坐位舒適又省時間,最重要的是運氣會變得好, 以鋤dee 為例, 四條, 同花順接二連三出現, 所以四條煙都唔好以為贏硬呀. iv)台灣捷運MRT (地鐵MTR), 有所謂博愛坐,係畀老人家, 傷殘人士, 孕婦,同行有小朋友人士坐.. 坐位是深藍色有別於一般坐位.. 坐位上方有受到讓坐的人士心聲, 可以加強非有需要人士坐上博愛坐的良心遣責. 無論如何這樣的做法可以使人不會輕易坐上博愛坐, 亦反映台灣人比香港人有禮, 就觀察所得, 人們通常都會先坐非博愛坐, 就算坐位只剩博愛坐也不會輕易坐上, 當然當中也有霸佔博愛坐的人士, 但當中以不懂事的同胞居多. 然而這樣的情況在比香港有人情味得多. 香港人連基本的先落後上都做不到,又如果談得上博愛坐呢? v)台北交通網比台南好,所以出租車(的士)都不用多坐,但公車(巴士)的斑次還是比香港少一些,所以交通時間最好多預留. vi)出租車(的士)雖然是標明坐4人,但我們5人坐了近十次出租車只有一次因人數被拒載, 只因他跟附近同行"打龍通"想多收一倍錢., 所以5人的士冇得彈. vii)台北景點首推中正紀念堂, 當然景點是指拍拍照, 看看歷史, 有興趣者必去, 沒興趣去拍照也無傷大雅. viii)有錢人士可到台北101, 首5層對外開放, 像兩個西9龍排在一起, 面商店都是高級為主, 所以要去就一定要上觀景台,但窮人去到就可以食J, 因為要上去5樓以上,搭那個號稱全世界最快的電梯是要NT$400 一位, 所以如果你要來,請準備好入場費. 營業時間 11:00-21:30 星期日至四 11:00- 22:00 星期五六國定例假日前夕 ix)窮人可以選擇到美麗華百樂園坐全亞洲第二大屋頂型摩天輪. 出示學生證(香港的都得) 120 ,成人150 17分鐘的一周可以遠眺台北101 和附近街道.. 本人強烈推介. x)到士林食小食就千萬自己一個食一份,必須與人分享,因為一個可以食哂咁多種小食ge機會, 係零呀!!!! xi)推介食物 : 
許記生煎飽,遲過6點去你就預排長龍啦, 個飽汁多而肉餡正, 都係嗰句,試下你就知. 
豪大大雞排:雞排大而脆,除非你想唔食其他野,唔係就2-3人一件吧, 去到見佢人龍長過隔離嗰間就知佢唔簡單, 但有人唔想排隊去左買隔離嗰間, 放埋一睇就輸左, 再咬一下試試, 豪大大雞排就技術性擊倒隔離嗰間雞排了 xii)去到酒店可以留意佢有冇專車, 因為走ge 時候好多時都有送達車站服務, 只要你同酒店的櫃檯姐姐哥哥問問,佢會慢慢講你知有咩好食好玩, 仲幫你plan 行程, 揸摩托車幫你去睇邊度有野食,更誇張ge 有送達食肆服務... | | |
| 今日要探討ge係, 台灣南部墾丁南灣比香港的沙灘更勝一籌. 先請正方同學: 正方同學A:墾丁南灣水清沙幼, 又係號稱全台灣最好的沙灘,香港彈丸之地又如何比得上? 傾計有相有計傾, 自己睇下la 
反方同學A(x君):傻啦,赤柱都好過佢啦,我畀d石仔攪到損哂你話水清沙幼,咁我去石灘咪命都冇?再唔夠我大多你一個大尾篤, 問你死味 正方同學B:大尾篤好勁咩?我用香蕉船跟你大尾篤, 再大你一個浮潛 反方同學B(尢x):我去嗰時見到南灣以為未到站ja,點知會咁者,你都體諒下我,香蕉船同浮潛係好玩,但係..... 正方同學C:唔好但係, 一句畀你玩,你玩唔玩? 同加埋有台灣妹妹你睇,你睇唔睇? 反方同學C(真X兄): 咁玩law, 但你唔好提台妹,一提我就想x#$#$%@%$,佢地冇個細過35, 係腰圍呀!!!!!!!! 正方同學D:咁你輸經驗者,嗰日閒日,又落左少少雨,如果假日就唔同講法啦 反方同學D(真君x): 咁又點,你知唔知我好失望呀? "食屎啦你.jpg" 正方同學E:請不要人生攻擊, 話哂都係第二貴ge 地, 玩大富翁都要350 過路費ga,畀個日落收你皮! 
反方同學E(x君兄): 你唔再提過路費 我引番自己句野畀你"|南下不如搵窿捐,白白使錢好心酸" 正方同學F: 
反方同學F(J君):答你就答,唔好用圖呀pk,我係第一百零一個客呀頂你...有冇人可以畀件貨我呀........ 正方同學G:咁唔用圖law, 台灣人人品好好架, 隨時錢都唔收包你全套服務,咁乜都抵番哂啦,係咪? 反方同學G(JACK): 咁又點呀, 有血有汗呀, 仲要"三間醫院都無外科，每日唔同科輪流當值" , 死左都冇人知la 正方同學H: 
你唔好咁睇低人地d醫院,冇人當值係佢地d科分得仔細分得專,咁病人可以更有效咁接受治療ja...有證據ga 
反方同學H(Y君):叫你唔好用圖你仲要一次用兩張,你真係想死?話時話,點解得我有開部份ge名你就就咩都冇架? 佢怕有人被屈機受傷冇人醫ja..屈機邊有得醫, 間醫院咁柒,睇死d護士係做手術時都係做花生友等睇你流血la 正方同學I: 我有冇名唔關你事!但係頭先叫我方同學F唔好用圖係"反方同學F(J君)", 關你咩事ar? 番番黎主題, 護士做花生友都係想你輕鬆d者, 試想像你做手術流血時,佢笑住咁一句:流血了 (台語), 畀你都輕鬆d la? 反方同學I(Mr. Y):哼, 畀你識穿左tim, 你呢個問題問得真係好,我都好樂意去解答, 無錯, 有時我係很天真很傻ge "反方同學A(x君)" , 有時我會係粗口橫飛ge "反方同學C(真X兄)" , 有時係唔鍾意人地用圖答問題ge 反方同學F(J君) 同 反方同學H(Y君), 其實我真正ge 身份係: 正方同學A-Z 呀!!!!!!!!!!!!!!!!!!!!!! 所以正方同學你今日贏ge 機會,係零呀!!!!!!! 順手話埋你知,一開頭個旁白都係我黎架!!!! 觀眾:屌,原來得一個人係度自己屌自己 .......真係.......... 
| | |
| 六月八日 晴 期望已久的台灣之旅終於展開, 但天公不造美, 連日下大雨的情況下: 2008年06月07日星期六 北大嶼山公路水浸山泥傾瀉
hk.youtube.com/watch?v=cyDNgx9Ria4 機場快線成為我地的唯一選擇, 亦造就了今次旅行的第一個第一次....  第一次 坐機場快線
機場快線果然名不虛傳, 13分鐘就到機場, 但就貴了近三倍, 望住車外的雨景,一面擔心 真君兄夫婦 會因封路來不了, 一面就自爽有機鐵搭. 點知最後二人安然無恙到了機場, 用了$125/3 坐機鐵ge我地三個就只好大叫一聲 "仆街,柒左" 在機場有人(不方便開名, 就叫X君吧), 過關檢查被個別檢查,簡稱"柒左", 原因是身上的其中一個洞(不方便講係咩洞, 係下半身的)藏有一個疑似十元硬幣的物體, 最後被詳細檢查, 尢幸該洞力保不失, 唔係佢就多一個第一次 到了台灣高雄找到了金園大飯店(3星級的外表,6星級服務,加埋有9粒星), 但去到之前就踏中屯門,(畀左6蚊過路費經車站),仲要行了近半小時,.. 之後的第一站就是號稱全台南最大的商場, "夢時代", 佢畀我GE 感覺係-----鮪魚…  試食鮪魚,但要睇一大輪表現,再同人迫才有,好有香港影子
商場本身像西9龍, 有又一城格局,但有MEGA BOX ge 偏僻感, 總之就合各家之大成…..而我地亦協議左唔會再同香港比較, 因為唔想再影響心情. 
之後去六合食野, 食物與香港不同, 有 蚵仔煎(蠔仔煎蛋), 花枝鬚(尤魚鬚), 臭豆腐(臭豆腐), 熱狗(熱狗飽),霜淇淋(長雪糕),肉燥飯(肥豬肉碎飯),等等…..(括號為香港叫法) 總括而言味道不錯, 但我首推黑色串燒,好似糯米飯咁ge, 唔好睇佢好似黑黑地,但一試就難忘--- 以上為同行友人--柒了的x頭之提供 
其次是花枝鬚, 很大條很飽, 但買之前請問清楚係買大條定碎片,如果唔係--以上為同行友人--輸經驗的R君之提供  其三,臭豆腐, 不是用甜醬,而是用其他醬汁佐食, 別有一番風味,而且食落好有豆腐味 以上為本人--臭豆腐之達人提供 
最後是蚵仔煎(蠔仔煎蛋), 基本上全台灣都有,出名程度與香港的魚蛋一樣,好有蛋味,加上不知名粉漿可以使人飽一些,而蚵仔很鮮,入口香滑有蚵味, 芽菜的爽口感使蚵仔煎多了一份芽菜味, 絕對值得一試 , 以上為本人--食評技窮拉車人提供 | | |
|
